Apontaments, recensions e incuintris

Giorgio Ferigo e il Povolâr Ensamble
Daspò de presentazion uficiâl dal progjet – par cure de Cjase editore Forum e de Associazion Giorgio Ferigo, che e à publicât un cofanet cuntun volum e 4 cd – che si è tignude a Udin ai 27 di Novembar, ai 18 di Dicembar li dal “Palamostre” di Udin, aes 8 e mieze di sere si tignarà une serade in onôr di Giorgio Ferigo e dal Povolâr Ensamble. La serade e sarà dedicade aes musichis e ai tescj dal grup, cu la intenzion di fâ cognossi lis cjançons dal Povolâr.

Di terra e di ghiaia
Ai 31 di Zenâr al vignarà presentât un gnûf volum edit da la associazion “La Grame”, par cure di Susi Corazza e Giulio Simeoni dal Dipartiment di Storie e tutele dai Bens Culturâi dal titul “Di terra e di ghiaia”. Il libri al trate de storie dal Friûl prime de dominazion romane. Intal libri a vegnin mostrâts i risultâts di ducj i studis fats intai ultins 30 agns, in maniere divulgative e vierte a ducj: de nassite dal paisaç monumentâl, al disvilup e a la fin de ete dai cjastelîrs, la forme insediative che e à caraterizât dute la protostorie dal Friûl, struturis che inmò vuê a son ben visibilis inte plane furlane. Par informazions: aclagrame@libero.it

Apontaments, recensions e incuintris

Art, artiscj e artigjans... a Pantianins
Lunis ai 1 di Otubar, aes vot e mieze sore sere, a Pantianins inte Cjase dal sidro, intal programe de 43esime edizion de Mostre regjonâl dal miluç, al vignarà presentât il libri “Art, artiscj e artigjans” edit de associazion “La Grame”. Ae presentazion a intervignaran l’assessôr provinciâl Elena Lizzi, i autôrs Sara Berti, Gilberto Ganzer, Franco Gover e Tarcisio Venuti e la prof. Gabriella Bucco.

III Tempora a Rivignan
I benandants si cjatin cheste volte ai 27 di Setembar, tierç incuintri chel di Istât a Rivignan, par fâ une visite li dal acuari di Ariis, struture gjestide dal “Ente Tutela Pesca”. O vin denant une struture moderne, sul flum Stele, pont di riferiment par ducj, soredut i amants dal ambient e de aghe. Dentri, si cjatin plui o mancul une cuarantine di speciis di pes e di chestis une decine e vîf dome inte nestre aree.

Apontaments, recensions e incuintris

Ricuardant Guglielmo Biasutti
La Associazion La Grame e à ristampât il libri “Forgaria, Flagogna, Cornino, San Rocco” (seconde edizion) scrit di Guglielmo Biasutti, presentât sabide ai 30 di Jugn aes 10 e mieze a Forgjarie. Par cui che al fos interesât a vêlu, si pues contatâ La Grame: aclagrame@libero.it

Avôt dal Friûl
La Basiliche Mari di Aquilee nus invide ancje chest an a la solenitât dai Sants Ermacure e Furtunât.
La Messe e vignarà celebrade te Basiliche domenie ai 15 di Lui aes 6.00 sore sere.
Al presiedarà pre Loris Della Pietra, diretôr dal Ufici liturgjic de diocesi di Udin.

David Maria Turoldo, cussience malcuiete de Glesie

A Codêr te cjase dulà che al è nassût ai 6 di Fevrâr dal 1992 si distudave a Milan, David Maria Turoldo, religjôs e inteletuâl che tra lis tantis oparis al firmà ancje l’innomenât cine “Gli Ultimi” (1963).
I Benandants a àn decidût di onorâ la sô memorie cjatantsi joibe ai 12 di Lui a Codêr di Sedean, te cjase dulà che Josef, chest al jere il non di batisim, al jere nassût ai 22 di Novembar dal 1916, novesim di dîs fradis. La cjase vuê e je un museu che al conserve inmò lis stanziis dulà che David Maria Turoldo al è cressût prin di jentrâ a 13 agns tal convent di “Santa Maria al Cengio a Isola Vicentina”.
Par informazions e visitis, si pues contatâ la Associazion Turoldo: 0432916384