Crôs di Aquilee

La crôs di Aquilee cun Alfa e Omega

Di cualchi mês o colaborìn cu la associazion La Grame e il grup dai Benandants. O partecipìn ai incuintris trimestrâi che si fasin ator pal Friûl par cognossi il nestri teritori e la nestre storie.
Cun di plui o contribuìn a la redazion dal sfuei informatîf dai Benandats, La crôs di Aquilee. Components de redazion sot de direzion di Cinzia Collini, a son il prof. Agnul Floramo, il mestri Giorgio Pascoli, pre Roman Michelot, pre Tonin Cjapielâr, l'inz. Gianni Pascoli, Paolo Marcuzzi, Elena Buttazzoni, Stefania Agostinis e Christian Romanini, ma al è di ringraziâ ancje chei altris che nus dan une man.
Juste par dâ cualchi informazion sul simbul che al da il non al sfuei, al è di ricuardâ che la Crôs di Aquilee e nas de fusion des dôs letaris greghis X e P che a significhis Cristos, ven a dî il non dal Signôr. Cun di plui la crôs e puarte ancje lis letaris Alfa e Omega, la prime e la ultime letare dal alfabet grêc, ven a stâi la frase di Crist "jo o soi l'Alfa e l'Omega", l'inizi e la fin.
Tai prossims post us ripuartarìn i contignûts dal sfuei, in maniere di creâ un piçul archivi dal stes.