In memorie di pre Beline - Il DVD da La fabriche dai predis

Pre Antoni Beline (cognossût a Vençon, il so paîs, ancje come pre Pieri Massangat) al nas ai 11 di Fevrâr dal 1941. Ai 23 di Avrîl dal 2007 al mûr su la place di Visepente, in comun
di Basilian.
Al è stât diretôr dal mensîl in lenghe furlane “La Patrie dal Friûl” e vuide carismatiche di Glesie Furlane, il grop nassût viers i agns ’70 sul sburt dal Concili Vatican II (1962-1965) e che al clame dongje cristians e furlans che a cirin di lâ a font des lôr lidrîs culturâls e religjosis. Glesie Furlane e à chê di podê conciliâ in maniere armoniche la proprie fede cu la proprie identitât culturâl: vuê si fevelarès di “inculturazion de fede” o di “vanzelizazion de culture”.
Pre Antoni al è stât adun cun pre Checo Placerean, il tradutôr de Bibie “Lui le à scomençade, jo le ai finide” al veve declarât intune interviste dopo de publicazion di chest lavôr impuartanton.
Pai 5 agns de sô muart, La Patrie dal Friûl, Glesie Furlane e VideoTeleCarnia a àn volût memoreâlu cuntun video che al è la interviste di presentazion dal so libri che al à fat plui
scjas: “La fabriche dai predis”.
Par plui informazions www.lapatriedalfriul.org.